බදු කුලී


කඩ කුලී අය කිරීමේ ප්‍රතිපත්තිය

  • සෑම මසකම 10 දිනට පෙර කඩ කුලී ගෙවිය යුතුය. ප්‍රමාද වී කරන ගෙවීම් සඳහා දඩ මුදලක් අය කරනු ලැබේ.

නගර සභාව සතු නාගරික කඩ සාප්පු,පදික වෙළඳ සැල්, පළතුරු වෙළඳ සැල්, සිල්ලර කඩ, මාළු කඩ, මස් කඩ,එළවළු කඩ ආදියද නගර සභා නිළධාරීන් හා සේවකයන් වෙනුවෙන් කුලියට දී ඇති නිවසද, නගර සභා ගොඩනැගිලි, කාර්යාල, රජයේ විවිධ ආයතන වලට බදු දීමෙන් ලබා ගන්නා කුලී මුදල් ද නගර ශාලාව ,ක්‍රීඩා මංඩපය හා ක්‍රීඩා භූමිය ද, නගර සභාව සතු (ඉඩ කඩම් හා එහි ඵලදාව බදු දීමෙන් ලැබෙන මුදල් ද, නගර සභාව සතු උපකරණ පුටු, ශබ්ද වාහිනී යන්ත්‍රය , පොල්තෙල් පහන ආදියා බදු දීමෙන් ලබා ගන්නා මුදල ද මෙම කුලී මුදල් යටතේ ගණනය කරනු ලබයි.

වෙළඳ සංකීර්ණ හා වෙනත් ස්ථාන බදු කුලී යටතේ ලබා දීම - අම්බලන්ගොඩ නගර සභාව

  • පොදු වෙළඳ පොල වෙළඳ සංකීර්ණය 41
  • පොදු වෙළඳ පොල නව වෙළඳ සංකීර්ණය (පළමු මහළ, උඩු මහළ, බිම් මහළ ) 16
  • ධීවර වෙළඳ සංකීර්ණය 27
  • අළුත් පාර නව වෙළඳ සංකීර්ණය 12
  • පොල්වත්ත නව වෙළඳ සංකීර්ණය 13
  • බස් නැවතුම් පොළ වෙළඳ සංකීර්ණය 60
  • දළුක්කන්ද නිවාස සංකීර්ණයේ කඩ කාමර 03
  • පැරණි ස.තො.ස. ගොඩනැගිල්ල කඩ කාමර 11
  • වෙළඳ කුටි 12
  • නගර සභා ආපන ශාලාව 01
  • ක්‍රීඩා මණ්ඩපයට යාබද කාමර බදු දීම 04

වර්ෂයට අදාල කඩකුලී ආදායම

එකතු කළ මුළු කඩකුලී ආදායම

මිළ ගණන් හා වැඩි විස්තර

පුරවැසි දනගේ සේවා ඉටු කොට විශිෂ්ඨ නගරය කරලමු මිහිපිට.

අම්බලන්ගොඩ නගර සභා බල ප්‍රදේශය තුල වෙසෙන සමස්ථ ප්‍රජාව වෙත අවශ්‍ය පොදු පහසුකම් සපයා ඔවුන්ගේ ආර්ථික, සාමාජික හා සංස්කෘතික සේවා ඉටු කොට ජීවන තත්වය නංවා සමාජ ප්‍රගතිය ඇති කිරීම.

අම්බලන්ගොඩ නගර සභාවේ සභාපතිතුමාගේ පණිවිඩය


නවීන තාක්ෂණය සමගින් ආසියාවේ ඓශ්චර්යමත් දේශයක් කරා ශ්‍රී ලංකාව යන ගමනේදී අම්බලන්ගොඩ නගර සභාව නිළ වෙබ් අඩවියකට පිවිසීම වෙනුවෙන් පණිවිඩයක් නිකුත් කිරීමට ලැබීම අම්බලන්ගොඩ නගර සභාවේ සභාපති ලෙස මා ලද භාග්‍යයක් කොට සළකමි. තවද එය මාගේ සේවා කාලය තුළ සිදුවන අමතක නොවන සන්ධිස්ථානයක් බවද සනිටුහන් කරනුයේ ඉතාමත් සතුටිනි.

තොරතුරු තාක්ෂණයේ අග්‍ර ඵලයක් වන වෙබ් අඩවියක් හරහා අම්බලන්ගොඩ නගර සභාවේ සමස්ථ යාන්ත්‍රණය විද්‍යුත් පිටු අතරින් නගර වැසි ඔබගේ දෙනෙතට රැගෙන එන මෙම අවස්ථාව නගර සභාවට ඉතා වැදගත් අවස්ථාවකි. මහජන සේවා සපයන ආයතනයක් ලෙස අම්බලන්ගොඩ නගර සභාවේ සේවාවන් තවත් පුළුල්ව ජනතාවට සමීප කරලීම මෙහි පරමාර්ථයයි. සාම්ප්‍රදායික පුස්තකාල සංකල්පයෙන් බැහැරව අභිනවයෙන් ඉදිකරන ලද විද්‍යුත් පුස්තකාල පියසක් තුළ විවෘතවන අම්බලන්ගොඩ නගර සභා වෙබ් අඩවිය එම පරමාර්ථ සඵල කිරීමට සුදුසු පරිසරය උදා කරනු ඇත.

මෙම වෙබ් අඩවිය නිර්මාණය කරමින් පරිගණක තිරය මතට රැගෙන ඒමට නිරන්තර සහයෝගය ලබා දුන් නගර සභාවේ උප සභාපතිතුමා අතුළු නගර සභා මන්ත්‍රී මණ්ඩලයට හා නගර සභාවේ ලේකම්තුමා, තොරතුරු හා සංනිවේදන තාක්ෂණ අංශ‍යේ නිලධාරිණී එස්. රේණුකා නිලාන්ති සිල්වා මහත්මිය හා කාර්ය මණ්ඩලයටත් මාගේ ප්‍රනාමය පුද කරමි.


සභාපති,

අම්බලන්ගොඩ නගර සභාව.

ලේකම්තුමියගේ පණිවිඩය

අම්බලන්ගොඩ නගර සභා බල ප්‍රදේශය තුල වෙසෙන සමස්ථ ප්‍රජාව වෙත අවශ්‍ය පොදු පහසුකම් සපයා ඔවුන්ගේ ආර්ථික, සාමාජීය හා සංස්කෘතික සේවා ඉටු කොට ජීවන තත්වය නංවා සමාජ ප්‍රගතිය ඇති කිරීමේ මෙහෙවර ප්‍රකාශය පෙරදැරිකොට ගෙන ඉදිරියට ඇදී යන අම්බලන්ගොඩ නගර සභාවේ කාර්යභාරය වඩාත් කාර්යක්ෂම හා ථලදායී අයුරින් ඉටුකරලීම අපගේ ප්‍රධාන පරමාර්ථය වේ.
එම කාර්යය නොපිරිහෙලා ඉටුකරලීම සඳහා ඊට යොදාගත හැකි සියලුම ප්‍රවේශයන් හා මාධ්‍යයන් භාවිතා කරමින් ඒ මඟින් පුරවැසියන්ගේ සේවා ඉටුකොට පළාත් පාලන ආයතන අතුරින් විශිෂ්ඨයකු වීම අපගේ දැක්ම වේ.
එම දැක්ම මුදුන් පමුණුවා ගැනීමට එහි එක් මාධ්‍යයක් වශයෙන් සියලු කාර්යයන් හා සේවාවන් සම්බන්ධ තොරතුරු පුරවැසියන්ට හා සියලුම ප්‍රජාවන්ට සපයමින් අම්බලන්ගොඩ නගර සභා නිල වෙබ් අඩවිය මඟින් සිදු කරනු ලබන කාර්යය ප්‍රශංසනීය වන අතර, නිරන්තරයෙන් යාවත්කාලීන වෙමින් තොරතුරු සන්නිවේදනය කිරීම අම්බලන්ගොඩ නගර සභාව හා මහජනයා අතර පවත්නා අවබෝධය හා කාර්යක්ෂම සේවාව වර්ධනයට කිරීමට මහත් පිටුවහලක් වන බව විශ්වාස කරමි.


ලේකම්,

අම්බලන්ගොඩ නගර සභාව.